FRIKAR - Voluspå

Fem dansarar og fire musikarar formidlar eldgamal mytologi gjennom dans, akrobatikk, levande musikk og sterke visuelle uttrykk. Dette er ei ny og spektakulær framsyning for heile familien – i kjend Frikar-stil.

«Lytt til meg, alle heilage slag.» Slik opnar Voluspå, eitt av dei eldste og mest sentrale dikta i norrøn mytologi – og utgangspunktet for Hallgrim Hansegård og FRIKAR si nye framsyning. Diktet utforskar samanhengane i livet, naturkreftene og mennesket sin plass i universet.

Ei klok spåkvinne, volva, med djup naturkunnskap, varslar om store endringar. «Alt er heilagt, og alt heng saman,» seier ho – og åtvarar om både klimakrise og aukande splitting i verda.