I år markerer vi at det er 200 år sidan første båt med norske utvandrarar reiste frå Stavanger til Amerika. I det høvet passar det godt å presentere konsertforteljinga om Jørgine og Gjendine, to sjarmerande damer med bein i nasen.
Jørgine Boomer og Gjendine Slålien kom begge frå enkle kår i Bøverdalen i Gudbrandsdalen. Den eine var full av eventyrlyst og ivrig etter å reise og sjå, medan den andre let verda komme til seg. Dei tok heilt ulike val og levde heilt ulike liv, men kanskje hadde dei meir til felles enn vi skulle tru. Jakta på det gode liv og den indre lukka står sentralt.
Trioen Camilla Granlien, Alf Hulbækmo og Mari Skeie Ljones vil spele og fortelje om jazz og storbyliv, folkemusikk og bygdeliv, Gjendine og Jørgine.
I samband med konserten vil det vere tilbod om omvising i utstilling på Sunnfjord museum om utvandringa frå vårt område til Amerika. Les meir om det på https://misf.no/sunnfjord-museum
Konsertforteljinga er produsert av dei tre musikarane, i samarbeid med Riksscenen i Oslo, Fortellerfestivalen og Musikk i Innlandet.
Sal av mat og drikke.
Språk