Parveen & Ilyas Khan @Jakob Sande-tunet

Det fransk-indiske søskenparet Parveen Sabrina Khan og Ilyas Raphaël Khan er sjuande generasjons musikarar i ei anerkjend musikarslekt i Rajasthan. Dei vaks opp i India, der dei fekk opplæring i den nord-indiske klassiske musikktradisjonen – ei kunstform som har vore overført munnleg gjennom meir enn 3000 år.

Parveen Sabrina Khan er ei leiande stemme i den nye generasjonen indiske songarar. Ho framfører râgaer, det melodiske rammeverket i indisk klassisk musikk, og er ein av få som løftar fram dei tradisjonelle folkesongane frå Rajasthan, maands, som i dag står i fare for å forsvinne. Med si djupe og virtuose stemmeprakt får Parveen fram poesien i denne sofistikerte musikken, der den lyriske teksten – ofte kort – gir stort rom for improvisasjon, både melodisk og rytmisk.

Ilyas Raphaël Khan er ein dyktig perkusjonist og beatboxar, og akkompagnerer med kreativt tablaspel og tablaboxing – ei samansmelting av dei to uttrykka. På denne måten fornyar og utviklar søskenduoen det klassiske indiske repertoaret, i forlenginga av arven etter faren, den kjende perkusjonisten Hameed Khan Kawa.

Med styrken frå dei to kulturane sine tek Parveen og Ilyas Khan publikum med inn i ei verd av varierte og nyskapande lydar, og gir ei smakfull blanding av indisk musikk og vestlege rytmar.

Medverkande:
Parveen Sabrina Khan – vokal
Ilyas Raphaël Khan – tabla, beatboxing

Sal av mat og drikke. 

Gratis buss til deg med konsertbillett frå Førdehuset kl kl 14.15, med retur etter konserten.