La Perla

La Perla kjem frå Bogotá i Colombia og musikalsk kviler trioen på colombianske tradisjonar og rytmar frå eit stort karibisk område. Saman med impulsar frå urban musikk og personlege musikksmakar har dette utvikla seg til den eksplosive, smakfulle, gateprega, tropisk bogotanske og eksperimentelle La Perla-musikken som er elska av eit stort internasjonalt publikum. I tekstane tek dei opp alt frå statleg vald, motstand i gatene og kvinnesak til fest, vennskap og natteliv – alt som samlar og inspirerer dei!