The Dancers Brew - Barokksolistene med Mamelukk Dansekompani
Barokksolistene og Mamelukk dansekompani byr på ei energisk framsyning der barokkmusikk, drikkeviser og dans går opp i ein virtuos fest.
Barokksolistene si framsyning The Alehouse Sessions har gått sin sigersgang på festivalar og konsertscener over heile verda, og publikum på Førdefestivalen fekk oppleve den spektakulære konserten i 2018.
Då Bjarte Eike og Barokksolistene samarbeidde med Mamelukk dansekompani ved Den Nye Opera i Danmark, vart det så til dei grader klaff at dei bestemte seg for å lage ein heilt ny versjon – med endå meir dans!
No får du oppleve resultatet: eit reint heksebrygg der drikkeviser og slåttestev møter musikalske krumspring og danseglede, og går opp i ei slags høgare virtuos eining!
Ansvarsfraskrivelse
Kjøpte billettar vert ikkje refundert. Vi gjer merksam på at det vert fotografert og filma på festivalarrangementa våre.