Boubacar Traoré

Den levande legenda i mandingomusikken ber med seg alt det vakre i afrikansk blues. 

Han var den første til å spele mandingo på elgitar, og Mali sitt svar på Elvis Presley og Chuck Berry på 60-talet. 

I dag blir Boubacar Traoré respektert og hylla av dei unge i Mali, som ein grunnleggjar av og ambassadør for moderne mandingomusikk. 

Med karakteristisk røyst og eminent gitarspel, har Boubacar Traoré turnert i heile verda, men alltid returnert til garden sin utanfor Bamako, der han driv med sauer og dyrkar grønsaker.